Messa festiva cun cant da Mozart en claustra da Glion

DA PAUL DUFF / ANR

Dumengia, ils 11 da settember suonda in ulteriur scalem festiv el ciclus dil giubileum dad 800 onns Uorden dominican. La messa festiva allas 11.00 vegn enramada dil cant cun accumpignament Cun il dirigent Mario Schwarz han sur 100 cantaduras e cantadurs ed igl orchester Collegium Musicum Ost- schweiz exercitau sur treis dis la Messa d’encorunaziun da W. A. Mo- zart. «Per nus dalla claustra dallas do­ minicanas a Glion ei la sontga Messa dils 11 da settember in punct final dal­ las festivitads da giubileum da nies uor­ den. La fiasta da finiziun internaziuna­ la ha liug dils 16 tochen ils 20 da scha­ ner 2017 a Ruma.» Aschia orientescha sora Ingrid Grave la pressa sco prevista sin quei di festiv a Glion. Ord la clau­ stra sursilvana ei vegniu lantschau per igl ault giubileum il teater ambulont cul tetel provocont «Claustra da rega­ lar». Suenter la turnea en Svizra vegn quel era menaus si alla festivitad finala a Ruma.

Ovra monumentala cun chor, orchester e vuschs  solisticas

L’idea dad embellir la fiasta finala cun cant sacral duront la messa ei vegnida dallas soras ensemen cul dirigent Ma- rio Schwarz. Il musicist da Sogn Gagl cun fermas ragischs romontschas ha clamau cantaduras e cantadurs en  ina

acziun derasada ell’entira Svizra. Sil­ meins 50 ha el sperau da dumignar en­ semen. Ussa stattan el e l’entir’organi­ saziun avon in chor da sur 110 canta­ duras e cantadurs. Plirs da quels ve­ gnan ord la regiun sursilvana ed auters vegnan a Glion ord regiuns al­ lontanadas. Tala situaziun captivonta ei per Schwarz enconuschenta e sa bu­ ca stermentar el. Sulettamein il plaz en baselgia per tons interprets, per orche­ ster e solists fa ad el in tec fastedis. Per sligiar quei problem vegnan las soras a dar maun ed anflar ina buna sligiaziun. Aschia stat nuotzun en via per embel­ lir cun biala musica monumentala l’impurtonta fiasta digl Uorden domi­ nican.

La messa per chor, orchester e vuschs solisticas KV 317 da W. A. Mozart ei cumponida igl onn 1779. Mozart ei ve­ gnius engaschaus sco organist dalla cuort salzburghesa ed ha scret l’ovra che ha  pli  tard  survegniu  la   nominaziun

«Messa d’encorunaziun» per la fiasta da Pastgas da quei onn. L’ovra classica ei enconuschenta per sia tempra festiva da gronda dimensiun. La sfida per in bien gartetg ei dada ed ils interprets semettan plein engaschi vidlunder.

Il musicist Schwarz ei naschius a Trun. Dapi biars onns ei sia dimora Sogn Gagl e siu areal d’engaschament ella regiun entuorn il Lag Bodan. Sia carezia per la cultura grischuna ha me­ nau ad ina amicabla relaziun persuna­ la cul cumponist indigen Gion Antoni

Derungs. Schwarz ha dirigiu biaras ovras dil cumponist romontsch. Den­ ter quellas operas e sinfonias e suenter la mort dil cumponist sededichescha Schwarz vinavon cun la publicaziun dalla musica da Derungs. El ei confun­ datur dalla Fundaziun G. A. Derungs e publichescha cuntinuadamein sias ovras sin purtaders da tun. Quei enga­ schament ha purtau ad el renconu­ schientscha ed el ha retschiert igl onn 2004 distincziun dil cantun Grischun. Per siu engaschament sur il territori dils cunfins dil Lag Bodan ha el era sur­ vegniu il premi da distincziun dil can­ tun Sogn Gagl.

Las soras da Glion ein dapi 150 onns en nossa regiun. Ellas selegran da s’entupar cun visetas. «L’appreziaziun da nies dacasa, nossa atmosfera clau­ strala fa bein a nus. Per nus ei quei in encuraschament da mantener quella aschi ditg sco pusseivel. Nus essan vi­ sadas vi sin gidonters che sustegnan nus en nossa lavur ed incarica.» Aschia beneventa sora Ingrid ils hosps en lur casa. Ella spera ch’ils presents sentien la carezia ed il respect e las soras se­ legran da semetter ellas retschas dil chor e cantar da cuminonza il laud a Diu.

Ils 11 da settember allas 11.00: Messa festiva legida da pader domini­ can Frantisek Pistrak e priedi da sora Eugenia Jörger. Suenter il survetsch di­ vin vegn surviu in aperitiv als pre­ sents.