Commemoraziun 800 onns sogn Domenico

Survetsch divin festiv en claustra a Glion

DA PAUL DUFF / ANR

Cun differentas occasiuns han las soras dominicanas da Glion comme­ morau igl 800avel onn dapi la funda­ ziun digl Uorden entras lur fundatur sogn La dumengia vargada han las festivitads priu ina digna fin cun in survetsch divin festiv enramaus da gronda musica da W. A. Mozart ed en preschientscha d’in grond pievel cartent.

La priura generala sora Annemarie Müller ha beneventau ils presents e pader Frantisek Pistrak ha legiu la sontga Messa. Sora Eugenia Jörger ha en siu prie­ di derasau fidonza ella buontad da Cri­ stus. Las semeglias che Jesus ha anflau la nuorsa piarsa, la drachma sparida e co el ha selegrau dil retuorn dil fegl perdiu dat­ tan perdetga dalla buontad e carezia da Jesus Cristus per nus carstgauns. El sele­ gra d’in pucont che fa ricla e retuorna sin la dretga via. Jesus semetta a meisa cun pucconts e malfatschents, quei ch’ei ver­ gugnus els egls dils farises e dils scienziats dalla scartira. La misericordia e fideivla­ dad che Diu demuossa enviers nus en siu agir ein perdetga dalla carezia per ils carstgauns.

Per che quella seigi buca sulet da sen­ tir ord il lontan ei Jesus Cristus vegnius carstgaun ed ha accumpignau nus to­ chen ella perdiziun dalla mort ed ei suandaus nus en fossa. El ha fatg quei sco mussament da fidonza ch’il carstgaun astga haver en el en tuttas situaziuns da perdiziun. Savens drova il fegl perdiu il maun empalont d’in concarstgaun che meina el cun fidonza en Diu ord la per­ diziun. Aschia ha sogn Domenico agiu da siu temps e deliberau carstgauns puc­ conts e piars. Sche nus havein consentiu quella deliberaziun ed havein schau an­ flar nusezzi savein nus era dar nossa con­ fidonza en Diu vinavon ad auters car­ stgauns.

Musica sacrala monumentala

Naven dil venderdis sera tochen la du­ mengia avon messa ha in grond chor ad hoc exercitau da cantar la messa d’enco­ runaziun da W. A. Mozart per embellir cun siu cant la fiasta. Igl orchester Colle­ gium Musicum Ostschweiz ha accum­ pignau il chor ed ha da sia vart sunau concertont il toc d’entrada e dalla fini­ ziun. Ils solists Muriel Schwarz, Ingrid Alexandre, Reto Hofstetter e Chasper Curo Mani  han  cantau  las  parts solisticas dall’ovra monumentala. All’orgla ha il musicist Christian Busslinger sunau. «La buna relaziun che nossa congregaziun domenicana da Glion ha tgirau dapi plirs onns cul dirigent Mario Schwarz ha inti­ mau el tier quei engaschament.» Quei ha priura generala sora Annemarie Müller ofniau en siu plaid da beinvegni. Il diri­ gent, oriunds da Trun e sesents ad Arbon, diregia musica classica ed ord quella spar­ ta en special musica sacrala. Sia gronda experientscha e sia cumpetenza han alzau la producziun dil chor, il qual ha aunc mai cantau ensemen, sin in respectabel nivel. Cantaduras e cantadurs ord l’entira Svizra, gie schizun entgins ch’ein vegni sur ils cunfins, han gudiu ina fin d’jam­ na musicala. Ed igl ei era vegniu tschin­ tschau romontsch denteren. Numerusas fatschas enconuschentas ord nossa valla­ da ein semessas ellas retschas dil chor per cantar laud a Diu ed embellir la fiasta fi­ nala digl onn commemorativ domeni­ can.

La fidonza ella buontad da Diu ani­ mescha las soras da Glion da cuntinuar cun lur lavur ed incarica ed ei per ellas vi­ vonda per lur agir e per la speronza da sa­ ver guidar el futur l’ovra sociala da sogn Domenico. Quella fidonza e speronza parta l’entira populaziun dalla Surselva cun ellas.